Hawliau Math LABC

Mae’r asesiad cychwynnol Rheolaeth Adeiladu a’r broses caniatâd o gymorth i chi er mwyn eich tywys trwy’r materion Rheolaeth Adeiladu yn ystod y cyfnod dylunio, mae’n sicrhau eich bod yn cydymffurfio â’r Rheoliadau Adeiladu ac yn symleiddio’r broses ganiatâd ar gyfer pawb sy’n defnyddio’ch adeilad neu’r hyn yr ydych yn ei gynhyrchu yng Nghymru a Lloegr.

Gellir rhoi hawliau math ar gyfer pob math o nodweddion adeiladu sy’n destun y Rheoliadau Adeiladu. Er eglurder, mae’r caniatâd yn cael ei grwpio i’r categorïau a ganlyn:

Tŷ, ar gyfer mathau o dai
Adeilad, ar gyfer adeiladau modwlar
System, ar gyfer caniatáu elfennau a systemau sy’n cynnwys rhan o’r adeilad. Bellach, mae hyn yn cynnwys y sylfaen a strwythurau dros dro.
Cynnyrch, pan gyhoeddwyd y ddogfen hon, roedd y categori hwn yn cael ei adolygu.

Mae LABC wedi cyhoeddi oddeutu 20,000 o dystysgrifau ar gyfer pob math o faterion adeiladu. Mae datblygwyr a chynhyrchwyr yn gysylltiedig â’r awdurdod sydd wedi’i gyfatebu (matched authority) a daw’r awdurdod lleol hwn yn arbenigwr ar system / cynnyrch y gweithgynhyrchydd.

Mae’r awdurdod sydd wedi’i gyfatebu yn cynnal gwiriadau manwl o’r system / cynnyrch er mwyn asesu ei addasrwydd ynghyd â’r graddau y gellir rhoi caniatâd Rheoliadau Adeiladu trwy’r Hawliau Math. Gall yr awdurdod sydd wedi’i gyfatebu roi Hawliau Math ac yn sgil hynny, gall y system/ cynnyrch gael ei adeiladu neu gael ei ddefnyddio yng Nghymru a Lloegr a bydd yn cael ei dderbyn gan dros 300 o awdurdodau, ble bynnag mae’r Hawl Math arfaethedig wedi’i leoli yn yr ardaloedd hyn. Mae hyn yn gostwng a llyfnhau’r llwybr trwy’r camau cyn adeiladu ac yn ystod y gwaith adeiladu ei hun.

Trwy gael Hawl Math LABC, rydych ar y trywydd iawn er mwyn:

Sicrhau eich bod yn cydymffurfio â’r Rheoliadau Adeiladu
Dadansoddi’r Rheoliadau Adeiladu yn gyson
Cael eich arwain yn gyflym trwy’r gweithdrefnau caniatâd rheoliadau adeiladu
Cael un pwynt cyswllt â Rheolaeth Adeiladu
Ymgynghori’n gynnar ag arbenigwyr technegol
Cael cefnogaeth ymgynghorol barhaus yn ystod cyfnod y dystysgrif
Ymgynghori ag asiantaethau cysylltiedig cyn derbyn caniatâd
Arbed eich amser a’ch arian gan fod gwiriadau gan yr awdurdod sy’n archwilio’n cael eu cyfyngu i faterion sy’n ymwneud yn benodol â’r safle’n unig
Cael mantais o ran marchnata cynnyrch cymeradwy

Hawliau Math LABC

Member Login

Map Navigation

Snowdonia Video