LABC CYMRU
Rydych chi yma > Hafan > Gyrfaoedd

Gyrfaoedd

Rhaid i unrhyw un sy’n adeiladu neu’n addasu adeiladau yn y DU gydymffurfio â Rheoliadau Adeiladu cenedlaethol sydd wedi’u llunio er mwyn sicrhau iechyd, diogelwch, lles a hwylustod i ddefnyddwyr adeiladau. Pobl broffesiynol sy’n ymwneud â Rheolaeth Adeiladu sy’n gyfrifol am werthuso’n dechnegol a yw adeiladau’n cydymffurfio â’r Rheoliadau Adeiladu a Ddeddfau’r Llywodraeth. Mae gyrfa yn y maes Rheolaeth Adeiladu yn cynnig swydd amrywiol a heriol sydd yn gofyn llawer o’r gweithiwr mewn sector hanfodol o’r diwydiant adeiladu.



Mae gwaith Rheolaeth Adeiladu yn gymhleth ac amrywiol. Mae’n cynnwys sgiliau ac arbenigedd technegol o ran asesu cynlluniau adeiladu o’r cysyniad hyd cwblhau’r gwaith a’i feddiannu. Mae rhan arwyddocaol o’r gwaith yn cynnwys cynorthwyo ac arwain dylunwyr a datblygwyr. O ganlyniad i hynny, bydd pobl broffesiynol yn y maes Rheolaeth Adeiladu yn gweld eu hunain yn rhwydweithio â phobl broffesiynol eraill yn y maes adeiladu, yn cynnwys:
  • Penseiri
  • Adeiladwyr
  • Datblygwyr
  • Syrfewyr
  • Peirianwyr
  • Swyddogion Tân
  • Cyfreithwyr
Mae cynnwys y disgyblaethau hyn yn ei gwneud yn bosib i ymdrin â’r materion mewn modd integredig a bydd hyn y sicrhau bod adeiladau’n ddiogel ac yn addas i bwrpas.

Mae’r gwaith yn cynnwys:
  • Archwilio’r cynlluniau ar gyfer adeiladau newydd, addasiadau ac estyniadau
  • Archwilio adeiladau a gwaith adeiladu
  • Archwilio gwaith draenio a deunyddiau draenio, a’u profi
  • Cymryd samplau o ddeunyddiau ac asesu pa mor addas yw technegau a dyfeisiadau newydd
  • Cadw cofnodiadau cywir
Mae’r dyletswyddau hyn yn cynnwys amrediad eang o adeiladau – o eiddo bychan, domestig, preswyl, i ddatblygiadau masnachol a diwydiannol ar raddfa fawr sydd werth sawl miliwn. Gall Ymarferwr Rheolaeth Adeiladu fod yn arolygu datblygiad mawreddog o swyddfeydd sydd wedi’u dylunio gan bensaer sy’n adnabyddus trwy’r byd un diwrnod ac ymgymryd ag archwilio cynlluniau ar gyfer datblygiadau tai cymysg y diwrnod canlynol. Ni fydd yr un diwrnod gwaith yr un fath a bydd dyluniadau diddorol yn cadw’r ymarferwr yn ddiwyd.

Gall cyfrifoldebau o fewn LABC hefyd gynnwys:
  • Strwythurau peryglus
  • Diogelwch mewn Caeau Chwaraeon neu ddigwyddiadau awyr agored eraill
  • Archwilio Sinemâu a Theatrau
  • Trwyddedau adloniant
  • Gofynion dymchwel

Member Login

Forgotten Password?

Map Navigation

Click on the map to navigate to your area

Snowdonia Video